Հոր ազջիկը, մոր տղան - Գենետիկա - Կատալոգ Ֆայլեր - Armenian Medicine
   
Ութբաթ, 02.12.2016, 22:53
Բարև Ձեզ Гость
Գլխավոր | Գրանցվել | Մուտք
Բժշկություն
Գլխավոր » Ֆայլեր » Գենետիկա

Հոր ազջիկը, մոր տղան
30.08.2011, 09:24


Հին հավատալիք կա, որ տղաները նման են իրենց մայրերին, իսկ աղջիկները` հայրերին: Կենսաբանական ժառանգականության տեսակետից, ի տարբերություն դաստիարակության գործոնի դերի, դա իրավացի է միմիայն մի քանի առանձնահատուկ գծերի համար և նույնիսկ դրանց համար էլ` լոկ չափազանց սահմանափակ աստիճանով:

Օրգանիզմների որոշ խմբերի էվոլյուցիայի  ընթացքում քրոմոսոմների մեկ զույգի մասնագիտացման ժամանակ իբրև սեռը որոշող գեները կրողներ, պարզվեց, որ քրոմոսոմների այդ զույգի մեջ ընկել են այլ գեներ, որոնք սեռի հետ ոչ մի առնչություն չունեն: Տեսակների մեծ մասի մոտ Y-քրոմոսոմը պարունակում է շատ քիչ թվով սեռին չվերաբերող գեներ: Երբեմն դրանք բոլորովին չկան: Ուստի <<սեռի հետ կապված>> տերմինը վերաբերում է  X-քրոմոսոմի գեներին առանց զուգընկեր գեների առկայության Y-քրոմոսոմի  մեջ: Սեռի հետ կապված գեների թիվը տարբեր է տարբեր տեսակների մոտ: Դրոզոֆիլ մելանոգաստերի մոտ  X-քրոմոսոմը առաջացնում է էգի ամբողջ քրոմոսոմային նյութի մոտավորապես մեկ հինգերորդ և արուի նյութի մի քիչ ավելի փոքր մասը: Նրա մեջ կան սեռի հետ շղթայակցված բազմաթիվ գեներ, որոնք ազդում են ամենաբազմազան հատկանիշների վրա` մարմնի չափերն ու ձևը, աչքեր չափերը ձևը, կառուցվածքը գույնը և այլն: Մկան մոտ, որի գենետիկական նյութը տեղաբաշխված է 38 աուտոսոմներում և մեկ կամ երկու  X-քրոմոսոմներում. հայտնտի են սեռի հետ կապված քիչ հատկանիշներ: Մարդու մոտ գտնված են սեռի հետ շղթայակցվաշ մի ամբողջ շարք հատկանիշներ: 

Սեռի հետ շղթայակցվաշ գեները կազմում են գլխավոր բացառությունը այն կանոնից, որ սեռական ճանապարհով բազմացող բոլոր օրգանիզմների մոտ բոլոր գեները հանդիպում են զույգերով: Բոլոր  XY-օրգանիզմերի մոտ, որ նման են դրողոֆիլի արուներին, տղամարդկանց կամ հավերին, գեները զուգընկերներ չունեն:

Դրանից բխում են չափազանց կարևոր հոտևանքներ: XY-ՆՀտնորը չեն կարող հետերոզիգոտային լինել ըստ սեռի հետ շղթայակցված գեների: Այսպիսով, նրանք չեն կարող կրել ռեցեսիվ, սեռի հետ կապված գեներ, քողարկված իրենց նորմալ ալլելներով, և սեռի հետ շղթայակցված յուրաքանչյուր գեն , անկախ այն բանից դոմինանտ է, թե ռեցեսիվ, դրսևորվում է այն սեռի մոտ, որը բնոորոշվում է XY-քրոմոսոմի առկայությամբ: Մարդում մոտ կարմիր և կանաչ գույնը տարբերելու անընդունակությունը հարուցվում է սեռի հետ շղթայակցված ռեցեսիվ գենով, այն կարելի է նշանակել cb տառերով: Երկու X-քրոմոսոմներով կինը գենոտիպորեն կարող է լինել cbcb և ֆենոտիպորեն կույր` կանաչ և կարմիր գույնի նկատմամբ, կամ <<++>> և ունենալ նորմալ տեսողություն, կամ cb+ և ունենալ նորմալ տեսողություն: Միայն մի X-քրոմոսոմ կրող տղամարդը կարող է լինոլ լոկ cb և կույր` գույների նկատմամբ կամ լինել<<+>> և նորմալ տեսողությամբ: 

Ծնողներից սերունդներին այդ գեների փոխանցման ժամանակ սեռի հետ շղթայակցված գեներն անխուսափելիորեն պետք է հետևեն X-քրոմոսոմի վրա սեռը որոշողգեներին:

Մեկնաբանություն: Գենետիկա | Ավելացված է: Vahe
Դիտումներ: 3982 | Բեռնումներ: 0 | Գնահատականը: 4.2/4
Միայն մեկանբանությունները: 0
Անուն *:
Email:
Կոդ *:
Copyright MyCorp © 2016
Создать бесплатный сайт с uCoz