Աղի սնունդը վնասակար է երեխաների առողջության համար
Մանուկ հասակում երեխաներին աղով հարուստ սնունդ տալը կարող է պատճառ հանդիսանալ, որ նրանք իրենց ողջ կյանքի ընթացքում հակվածություն ունենան աղի նկատմամբ:
American Journal of Clinical Nutrition ամսագրում հրապարակված հետազոտության արդյունքները ցույց են տալիս, որ աղի օգտագործման չափը նվազեցնելը պետք է սկսել վաղ հասակից:
Գիտնականները նաև գտնում են, որ վաղ հասակում երեխաներն ունեն «զգայությունների պատուհան», այլ կերպ ասած՝ այն թե ինչով են երեխաները սնվում վաղ հասակում, կարող է ցույց տալ, թե ինչ սննդակարգի նրանք նախապատվություն կտան իրենց հետագա կյանքում:
Ինչպես գրում է Los Angeles Times-ը, այն, որ ամերիկացիները մեծ նախապատվություն են տալիս աղի օգտագործմանը, միշտ էլ եղել է ամերիկացի բժիշկների անհանգստության առարկան: Նրանք հայտնում են, որ երկու տարեկան երեխայի համար թույլատրված օրական 3.436 միլիգամ աղը նույնպես կրկնակի շատ է, և որ հարկավոր են կառավարական նոր չափանիշներ` ռեստորանային սննդի մեջ աղի չափը նվազեցնելու համար:
