Պրոֆեսոր Ջերայնտ Ռիսը եւ նրա գործընկերները պարզել են նաեւ, որ վիրտուալ շատ ընկերներ ունեցող մարդիկ իրական կյանքում եւս շատ ընկերներ ունեն:

Ինչպես Proceedings of the Royal Society B ամսագրում տպագրված հոդվածում գրում են Լոնդոնի համալսարանական քոլեջի ուսումնասիրողները, Ռիսը եւ նրա գործընկերները մի շարք հետազոտություններ են կատարել:

 «Մենք կենսաբանական հիմք ենք հայտնաբերել այդ տարբերությունների համար. սոցիալական ցանցում ընկերների թիվը կարելի է բավական ճշգրիտ կռահել ուղեղի աջ վերտեսաթմբում, ձախ վերտեսաթմբի միջին մասում եւ ենթատեսաթմբային շրջանում  գորշ նյութի խտությամբ»,- նշված է հոդվածում:

Վերտեսաթմբի հատվածը  ուղեղում կարեւոր դեր է կատարում մարդու կողմից շարժվող օբյեկտներն ընկալելու ընդունակության գործում, ենթատեսաթմբային շրջանը կապված է հիշողության եւ կողմնորոշման ունակության հետ, իսկ առաջնային ուղեղը ակտիվանում է այլ մարդկանց ներկայությամբ եւ կապված է սոցիալական հարաբերությունների հետ: Հետազոտությունը ցույց է տվել, որ որքան ավելի շատ է գորշ նյութը նշված հատվածներում, այնքան շատ ընկերներ են ունենում սոցցանցերում:

Սակայն գիտնականները չեն հայտնաբերել իրական կյանքում ունեցած ընկերների թվի կապը այդ հատվածների յուրահատկությունների հետ, գրում է «ՌԻԱ Նովոստին»: